આધુનિક જીવનશૈલીના કારણે લોકોને ઘણા લાભ થતા હશે પરંતુ તેની સાથે જ કેટલીક સ્વાસ્થ્ય સમસ્યા પણ ભેટ તરીકે મળે છે. આજના સમયમાં મોટાભાગના લોકોનું કામ એવું હોય છે જેમાં કલાકો સુધી તેમને બેસી રહેવાનું હોય છે. સાથે જ તેમનું ભોજન પણ અનિયમિત સમય લેવાતું હોય છે.
આ સમસ્યાના કારણે કબજિયાત મોટાભાગના લોકોનો પ્રશ્ન હોય છે. કબજિયાતથી પરેશાન લોકો માટે જામફળ ફાયદાકારક સાબિત થાય છે. વિટામિન સીથી ભરપૂર જામફળ પેટના રોગોને દૂર કરે છે.
જામફળ ખાવાથી તો લાભ થાય છે પરંતુ તેનો રસ પીવાથી શરીરને લાભ બમણા મળે છે. આજે તમને જણાવીએ ફાઇબર, પોટેશિયમ અને પોષક તત્વોથી ભરપૂર જામફળનો રસ પીવાથી શરીરને કેટલા લાભ થાય છે.
1. જામફળનો રસ પીવાથી સૌથી મોટો ફાયદો એ થાય છે કે પેટ સાફ રહે છે. જામફળના રસને સવારે ખાલી પેટે પીવાથી પેટ તુરંત સાફ આવે છે. સાંજના સમયે પણ જામફળનો રસ પી શકાય છે. જામફળનો રસ પીવાથી પાચનતંત્ર મજબૂત રહે છે. સાથે જ તે આંતરડાના કાર્યોને પણ ઝડપી બનાવે છે. જામફળ નો રસ નિયમિત પીવાથી પેટ સાફ આવે છે.
2. જામફળનો રસ પોષક તત્વોથી ભરપુર હોય છે જેના કારણે તે ત્વચાને ડિટોક્સ કરે છે. પ્રદૂષણ અને હાનિકારક તત્વોને કારણે ત્વચાને નુકસાન થાય છે તેનાથી રક્ષણ મળે છે.
3. જામફળનો રસ પીવાથી પેટને જેટલો લાભ થાય છે એટલો જ લાભ મગજને પણ થાય છે. તેનો રસ મગજના કાર્યને વધારે છે. તેમાં ભરપૂર પ્રમાણમાં પોટેશિયમ હોય છે જે બ્લડ સર્ક્યુલેશનને સુધારે છે અને મગજ સુધી ઓક્સિજનને પણ સારી રીતે પહોંચાડે છે. જામફળનો રસ માં જે ખનીજ તત્વો હોય છે જે શરીરમાં સોડિયમના પ્રભાવને દૂર કરવામાં મદદ કરે છે. તે તણાવને નિયંત્રિત કરે છે અને મગજને બૂસ્ટ કરે છે.
4. ડાયાબિટીસના દર્દી પણ જામફળનો રસ પી શકે છે. ડાયાબિટીસના દર્દી જામફળનો રસ પીએ તો અનિયમિત બ્લડ શુગરનું સ્તર નિયંત્રિત થાય છે. તેના કારણે હૃદય અને જ્ઞાનતંતુને થતું નુકસાન અટકે છે. તેમાં રહેલાં એન્ટિઓક્સિડન્ટ શરીરના ઇલેક્ટ્રોલાઇટ માં પોટેશિયમ અને સંતુલિત કરવામાં મદદ કરે છે જેના કારણે હારું સ્વાસ્થ્ય જળવાઈ રહે છે.
5. જામફળનો રસ વિટામીન એ, વિટામીન બી, વિટામિન સીથી ભરપૂર હોય છે. તેનું સેવન કરવાથી ત્વચામાં લચીલાપણું વધે છે. તેમાં રહેલું લાઇકોપિન અને બીટા કેરોટીન ચમક વધારે છે અને ત્વચાને સુંદર બનાવે છે. તેનું સેવન કરવાથી ચહેરા પર કરચલીઓ પડતી નથી.
6. જામફળમાં વિટામીન બી 9 અને ફોલિક એસીડ પણ ભરપૂર પ્રમાણમાં હોય છે જે ગર્ભવતી મહિલાઓ માટે અત્યંત જરૂરી હોય છે. તેનું સેવન કરવાથી બાળકના જ્ઞાનતંતુનો વિકાસ સારી રીતે થાય છે. સાથે જ ગર્ભવતી મહિલાઓને થતા પેટના દુખાવા ગેસ અને કબજિયાત થી પણ રાહત મળે છે.