દોસ્તો તમે ઘણા બધા લોકોના મોઢેથી સાંભળ્યું હશે કે લીલી શાકભાજી આપણા સ્વાસ્થ્ય માટે દવાની જેમ કામ કરે છે અને તેનું સેવન કરવાથી આપણને ઘણા બધા ફાયદા પણ થઈ શકે છે.
આવામાં આજે અમે તમને એક એવી શાકભાજી વિશે વાત કરવા જઈ રહ્યા છીએ, જેનાથી તમારા શરીરમાં તરત જ અસર થાય છે અને રોગોનો પણ નાશ થાય છે.
હવે તમે વિચારતા હશો કે આ વનસ્પતિ કઈ છે? તો તમે જણાવી દઈએ કે અમે સરગવા વિશે વાત કરી રહ્યા છીએ. સરગવામાં એન્ટી તત્વો અને બળતરા વિરોધી ગુણધર્મો મળી આવે છે.
આ સિવાય સરગવામાં કેલ્શિયમ, વિટામિન, પોટેશિયમ, ફાઇબર, સોડિયમ, કાર્બોહાઈડ્રેટ્સ અને ઝિન્ક જેવાં પોષક તત્વ પણ મળી આવે છે. જે આપણા સ્વાસ્થ્ય સંબંધી રોગોને દૂર કરવા માટે કામ કરે છે.
સરગવામાં વિટામીન-એ પુષ્કળ પ્રમાણમાં મળી આવે છે અને તેનું સેવન કરીને તમે પોતાની રોગપ્રતિકારક શક્તિને મજબૂત બનાવી શકો છો અને ઘણા બધા રોગોનો શિકાર થવાથી પણ બચી શકો છો. આ સાથે સરગવાનમાં વિપુલ પ્રમાણમાં કેલ્શિયમ પ્રાપ્ત થાય છે.
તેનું સેવન કરીને તમે હાડકાને મજબૂત બનાવી શકો છો. જે લોકોને સાંધાના દુખાવા અથવા સંધિવાની સમસ્યા રહેતી હોય તેવા લોકો એ તો સરગવા નો અવશ્ય ઉપયોગ કરવો જોઈએ.
સરગવામાં ફાઈબર પણ મળી આવે છે, જેના લીધે તેનું સેવન કરવાથી પાચનતંત્ર એકદમ મજબૂત બની જાય છે. જે લોકોની એસિડિટી અને કબજીયાતની સમસ્યાઓનો સામનો કરવો પડતો હોય તેવા લોકોએ તું સરગવાનું અવશ્ય સેવન કરવું જોઈએ.
જે લોકોને આંખોના નંબર હોય અથવા આંખોના અન્ય કોઈ આંખોના રોગો હેરાન કરી રહ્યા હોય તો તેવા લોકોએ પણ સરગવાનો ઉપયોગ કરવો જોઈએ. કારણ કે સરગવામાં વિટામીન-એ મળી આવે છે. જે આંખો સાથે જોડાયેલી સમસ્યાઓને દૂર કરી શકે છે અને આંખોની રોશની માં વધારો કરે છે.
વળી સરગવાનો ઉપયોગ હૃદય સંબંધિત રોગ કોલેસ્ટ્રોલને ઘટાડવા માટે પણ કરવામાં આવે છે. જે લોકો સરગવાનું સેવન દરરોજ કરે છે તેઓના શરીરમાં ખરાબ કોલેસ્ટ્રોલની માત્રા ઘટે છે અને સારા કોલેસ્ટ્રોલની માત્રામાં વધારો થાય છે.
જેના લીધે હૃદયરોગનો સામનો કરવો પડતો નથી. ડાયાબિટીઝના પેશન્ટ માટે પણ સરગવાનું સેવન લાભકારી માનવામાં આવે છે. કારણ કે તેના સેવનથી બ્લડ શુગર લેવલ માં ઘટાડો થાય છે અને ઇન્શુલીન લેવલમાં વધારો થાય છે. જે ડાયાબિટીસના દર્દીઓ માટે દવાની જેમ કામ કરે છે.
સરગવો ત્વચાને પણ ચમકદાર બનાવી શકે છે. જે લોકોને ચહેરા ઉપર ખીલ અથવા ડાઘ થવાની સમસ્યા રહેતી હોય તેવા લોકો એ સરગવાનું સેવન કરવાનું શરૂ કરી દેવું જોઇએ.
કારણ કે તેનું સેવન કરવાથી લોહી એકદમ શુદ્ધ બની જાય છે અને શરીરમાં રહેલા ઝેરી તત્વો બહાર નીકળી જાય છે. જેના લીધે તમારા ચહેરા ઉપર એક અલગ જ પ્રકારની ચમક આવે છે.
તમને જણાવી દઈએ કે તમે સરગવાનું શાક બનાવીને અથવા અન્ય કોઇ સ્વરૂપે સેવન કરી શકો છો પરંતુ તમને અગાઉથી કોઈ બીમારી હોય તો તમારે સરગવાનો ઉપયોગ કરતાં પહેલાં થોડીક સાવચેતી રાખવાની જરૂરિયાત છે અને ડોક્ટરની સલાહ લેવી જોઈએ.